L’iscriziun a un di programs por les vacanzes da d’isté organisá dal Sorvisc ai Jogn Val Badia pó ma gní fata online sön le sit www.proiec.org.
Da atira dess i dac dl account dl ann passé gní ajorá o fat n account nü, da pert dl autorisé al’educaziun o dal partezipant sce al á arjunt i 18 agn. Sce valgügn adora aiüt, pól passé te ofize dl Sorvisc ai Jogn Val Badia a Picolin o telefoné tratan i orars d’ofize.
Dal lönesc, 4 de merz 2024 | dales 19:00 ISTÉ DEBORIADA
Dal mertesc, 5 de merz 2024 | dales 19:00 MY SUMMER
| dales 20:00 COOL SUMMER
Anter la domënia, ai 10 de merz 2024, dales 24:00 mëssel gní arjunt le numer minim de partezipanc, scenó vëgn l’ativité spostada o desdita.
OCIO: Pro le proiet “Isté deboriada” pól tla pröma fasa gní chirí fora döes edemes definitives y pro le “Cool summer” y “My summer” él te chësta fasa ma la poscibilité da scrí ite le partezipant a öna na edema definitiva (tan inant che al é lerch).
Pro les atres edemes rovará le partezipant te n pröm momënt sön la lista d’aspeta (poscibilité da dé dant le degré de priorité); al ciafará na conferma, tan inant che al é lerch, ai 11-12 de merz 2024.
Les iscriziuns ai proiec pó gní fates anter le mercui, 12 dis dan le scomenciamënt dl’ativité, tan inant che al é lerch.
Por podëi garantí na buna integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acompagnamënt, periunse i geniturs di mituns cun debojëgns particolars da i scrí ite anter i 10.03.24. Sce l’iscriziun vëgn fata do chësta data, ne pó l’acompagnamënt individual nia plü gní garantí.
Por motifs de organisaziun, vëgnel dé dant n numer minim de partezipanc, indiché pro vigni proiet. Les iscriziuns é por motifs de organisaziun obliëntes y ares ne pó nia gní modificades.
Do avëi fat l’iscriziun sön la plata internet www.proiec.org
vëgnel mené, sön la misciun e-mail dada dant, le cunt cun i dac por le paiamënt.
IMPORTANT: por les iscriziuns fates tla pröma fasa (dai 4 ai 10 de merz 2024), gnará le cunt mené ai 10-12 de merz 2024.
Le paiamënt mëss gní fat anter 5 dis de calënder do la data dl cunt, scenó vëgn l’iscriziun anulada. Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma.
Le paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt!
Sorvisc ai Jogn Val Badia
Cassa Raiffeisen Val Badia - Filiala da San Martin de Tor
IBAN: IT 22 F 08010 58830 000304010353
Sce al é pro n program bele gnü arjunt le numer mascim de partezipanc, él la poscibilité da se lascé mëte sön na lista d’aspeta. Chësc vëgn aconsié por
podëi eventualmënter reagí y mëter lapró edemes, sce al é poscibl por
l’organisaziun.
Sce n partezipant ess da tomé fora, ti gnarál comuniché al pröm dla lista d’aspeta y chësc pó regolarisé l’iscriziun,
fajon le paiamënt.
Do che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun y/o da ciafé zoruch le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn presenté n zertificat dl dotur.
Cun l’iscriziun vëgnel conzedü le consëns al tratamënt di dac personai tla cornisc dla gestiun di programs a öna cun les normes varëntes sön la proteziun di dac aladó dl art. 13 dl’Uniun Europeica 2016/679. Privacy
Tratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpflichtversicherung) cina a n import de 5.000.000€. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter.