Adventure Time

Cin'dis demez da ciasa, plëgns de aventöres, ativités y devertimënt sön les spones dl Lech de Garda. Püch do che la scora s'á rové se metunse sön tru con nüsc pulmins por arjunje le plü gran lech dla Talia. Dailó starunse suranöt te n camping a Peschiera y por che al sides na dërta aventöra organisunse döt instësc: dal cumpré ite, al cujiné y les ativités. Mancé ne pó sambëgn nia na vijita ales atraziuns plü conesciüdes incër le Lech de Garda, sciöche Gardaland y Caneva. Mo ince zënza araste tröp tëmp da passé adöm cun tü compagns sön la spona dl lech a te devertí!