Survival Week

S’la cavé cun ci ch’an á y soghé cun i elemënc dla natöra

Vaste ion fora por la natöra? Ne t’él mai sozedü da jí te bosch o sö por munt y da rové te na situziun de risch o de prigo? Al é dessigü valch che pó sozede. Porchël él important da imparé coch’an pó s’astilé te certes situaziuns, olach’al mancia ogec o massaries ch’an tol zënza por fá plü saurí, sciöche por ejëmpl n scossú (Feuerzeug). 

Te chëst’edema podaraste imparé co fá n pice fornel d’emergënza por te scialdé n pü’ d’ega o te cujiné val’, da fá grops scëmpli por s’assiguré o ciolé patüc. Implü porvarunse ince da fá val’ esperimënt por capí miú les reaziuns ch’i podun nes aspeté canch’i porvun fora patüc nü y suradöt ci mosöres de segurëza ch’an dess respeté canch’an laora cun cer materiai. 

Sc’i un descedé n pü’ de coriosité te te, spo este tl dër post!