Zero Plastica

Co vire zënza plastica y fá cosmetics te ciasa 

Co fossera pa da ciafé val’ pice consëi por evité patüc da vigni de fat de plastica? Y magari porvé da fá cosmetics cun ci ch’i ciafun tla natöra (y datrai ince te nos instësc)?  I orun te porté dant avisa chësc. Tratan chëst’edema ciararán ci che la plastica é y tan saurí ch’al é da evité da cumpré tres indô i medemi produc, consuman tres deplü plastica. Al basta da mëte n pü’ averda por s’intëne tan gonot ch’i comprun y adorun chisc materiai, comoc y bunmarcé, mo ince tan prigorusc sc’ai röia ti posć falá. 

Implü, ajache le ciamp di cosmetics é un di plü gragn consumadus de plastica, ti ciararán ince a chësc setur por capí damí co podëi fá cosmetics a ciasa cun plastica ch’i un bele o cun d’atri contignidus plü naturai. 

Ví ince tö a fá para! Vigni pice vare cunta.