Iö, artejan

I imparun deboriada en mistier

„Artejan“ y „artejanat“ sará les parores dl’edema. Chësc setur é fondamental por nosc raiun, ajache al pita laur de gran competënza adöm a n gromun de produc y sorvisc de valüta.

Mo co funzionëia pa pordërt le laur te na dita artejanala? Intratan l’edema aras la poscibilité da rové en contat cun zumpradus y atri lauranc che laora te chisc ciamps por podëi ti damané döt ci che al te vëgn en mënt sura le monn dl laur.

Te aste bele interessé n iade a un de chisc mistiers? O él le pröm iade che te aldes baian dl artejanat? Aste parënc che laora o che á instësc na dita? O magari esseste plajëi da daurí na töa ativité en bel de? Chësta edema podará ester de aiüt por te daidé capí damí ci strada tó por to dagní. 

Ví a zumpré para cun nos!