S.O.S

Descriziun

Arjigná da dé na man! Aste bele n iade adoré l’aiüt de öna dles uniuns de proteziun zivila, o conësceste mo zacai che dëida pro öna de chëstes uniuns, sciöche colaboradú o sciöche volontar? Ne fosseste nia corius da odëi avisa ci che chëstes porsones fej y porvé fora instës de vigni sort de tecniches che ai tol ca te so laur? Vigni de pól sozede che an adora aiüt o che an röia pro porsones che adora aiüt, porchël fossel dër important y d’öga da savëi co la tó y ci fá te chisc caji d’emergënza. Sce chësc te interessëia, spo fossel dessigü na bela cossa da tó pert a chësc curs, olache la Crusc Blancia te mostrará tecniches de pröm aiüt. Dai stödafüch impararaste ci fá te caji de medefüch o de inzidënc; l’Aiüt Alpin te dará consëis sön la segurëza sö por munt y te odaras cinamai le joler d’emergënza Pelikan 1 a Balsan. Insciö unse bele cater uniuns da jí a ciafé; cara é mo la cuinta? ESce t’es corius, scriete ite e chësta edema de proteziun zivila y anüza l’ocajiun por imparé de bugn consëis che pó fá la desfarënza y daidé te momënc d’emergënza.