Üties da Munt

Descriziun

Ciao sportif y sportiva

Ara é indô tan inant... al é isté, ci bel! Tëmp por soghé, tëmp por sté en compagnia, tëmp por jí sön munt.

"Jí sön munt aste dit?"

"Poh chël sce, al é indô da jí fora por nostes beles munts, fora por i prá da corusc y sté suranöt te üties! Oste gní para? I jun cun n grup dl Sovisc ai Jogn".

"A poh ci bel! Eee, chël sce che i vëgni para!"

Vaste ince tö ion sö por munt? Spo arjigna bun tües iames y pëia ia cun nos a üties da munt. N’edema de compagnia, olache i jarun tröp a pe, mo i starun ince te üties a dormí. Te passaras momënc de devertimënt, aventöra y ince n pü’ de fadia. Mo döt cant acompagné da de beles contrades y i bi sonns dles munts y di tiers.

Sce te ós ince tö gní cun nos, spazete y scriete ite!