Plëgn de Corusc

Descriziun

Adoreste n pü’ de corú te tüa vita? Te sál bel da dessigné y depënje? Sinteste le spirit artistich y creatif che chërda? Spo é chësta la dërta edema por te, deache te impararas tecniches nöies da dessigné, por cherié insciö tües operes d’ert. Al é anfat tan bun che t’es da dessigné: chiló éson aposta por imparé y mioré. Te gnaras n pü’ paz y da corú, deache al sará n’edema plëna de corusc. Implü laurarunse düc adöm por fá le proscim murales tl Saj.un, lascian nosta merscia artistica por düc i mituns che vá te local. I odarun co che n proiet plü gran vëgn organisé y spo ince realisé. Te podaras daidé ponsé ci fá, co le realisé y spo le depënje sön mür. Porchël vistete val’ che n’é nia zîte o sciode se al s’ajiëia, y ví cun na mënt plëna de idees creatives, che i podarun spo realisé deboriada. I te aspetun cun i corusc ciamó stlüc te condla, por i daurí deboriada cun te y ti dé vita al’edema "Plëgn de corusc".