Mi pice album

Descriziun

Che al sides le tëmp passé cun la familia, les matades dl cian o dl iat, les ligrëzes passades cun i compagns... al foss n picé da se desmentié de döt chësc.

Te ne pos danz nia lascé pro che tü recorc plü bi vais a perde. La soluziun? N album plëgn de fotografies, realisé cun tües mans, por mantigní döt le bel che t’os tigní sö.

Tratan chëst’edema te mostrarunse co fá por cherié val’ de bel y de creatif, a na moda che tües fotos saltes atira tl edl.

I decorarun vigni plata cun dessëgns, papier da corú y cun n per de ciüfs y fostüs che i jarun a cöie fora por i pra de nostes munts. Insciö ne sará l’album nia ma na belijia te tüa libraria de ciasa, mo ince na picera opera d’ert döta personala, che restará pro te por dagnora.